Kirish

      O‘sib kelayotgan yosh avlodni barkamol inson qilib tarbiyalash borasidagi mavjud muammolarni hal etish ta’lim va tarbiya samaradorligini zamon talablari asosida ta’minlash, uni dunyo talablari darajasiga olib chiqishga erishish, yosh avlodga ta’lim tarbiya berishda milliy va umuminsoniy qadriyatlarga tayanish orqali ta’lim tarbiyaning mohiyati mazmunini shakllantirish va takomillashtirish, maktabgacha tarbiya tizimida xalqimizning boy tajribalari asosida boyitib borish va uning yangi qirralarini izlash bugungi kunning dolzarb muammolaridir. «Ta’lim to‘g‘risida» O‘zbekiston Respublikasi Qonuni talablariga muvofiq holda tayyorlangan bo‘lib, milliy tarbiyani, ta’lim tizimidagi jahon miqyosidagi yutuqlar asosida yuksak siyosiy hayotga mustaqil ravishda mo‘ljalni to‘g‘ri ola bilish qobiliyatiga ega bo‘lgan kadrlarni yangi avlodni shakllantirishga yo‘naltirilgandir. Ushbu qo‘llanma maktabgacha tarbiya yoshidagi bolalarning estetik tarbiyasi badiiy mehnat malakalarini, estetik tasavvurlarining shakllanishini va bolalar badiiy ijodkorligining rivojlanishini ko‘zda tutadi. Qo‘llanma tasviriy faoliyat jarayonida bolalarning badiiy ijodkorlik qobiliyatlarini rivojlantirish mezon, prinsiplari bilan maktabgacha ta’lim tashkilotlarida turli xil rasmlar chizish, loydan narsalar yasash, qirqib yelimlash, qurish-yasashga o‘rgatish vazifalari, mazmuni, uslubiyoti bilan tanishtiriladi. Talabalarni tanlagan kasblariga qiziqishlarini uyg‘otish, olgan bilimlarini rivojlantirish, tasviriy faoliyat orqali olgan ko‘nikma va malakalarini shakllantirishga ham keng ahamiyat berilgan.